امریکی نائب صدر جے ڈی وینس نے ایک پوڈکاسٹ انٹرویو میں کہا ہے کہ اسرائیل امریکا میں عوامی رائے کی جنگ ہار رہا ہے، اور یہ ایک سادہ اور واضح حقیقت ہے۔ معروف پوڈکاسٹر جو روگن سے گفتگو کرتے ہوئے وینس نے کہا کہ اسرائیل امریکا کا اتحادی ہے، لیکن اس کے باوجود وہ امریکی عوام کی حمایت حاصل کرنے میں ناکام ہو رہا ہے۔
نائب صدر کے اس بیان کو امریکی انتظامیہ میں اسرائیل کے بارے میں بڑھتی ہوئی تشویش کے طور پر دیکھا جا رہا ہے۔ وینس نے مزید کہا کہ اسرائیل کو امریکی سیاست پر اثر انداز ہونے کے لیے اپنی حکمت عملی پر نظر ثانی کرنی چاہیے۔
یہ پہلا موقع نہیں ہے جب کسی اعلیٰ امریکی عہدیدار نے اسرائیل کی عوامی امیج پر تشویش ظاہر کی ہو، لیکن نائب صدر کا براہ راست اعتراف اہم سمجھا جا رہا ہے۔ اس بیان سے اسرائیل اور امریکہ کے تعلقات میں ممکنہ تبدیلیوں کے بارے میں سوالات اٹھ رہے ہیں۔
وینس کے مطابق، اسرائیل کو امریکی عوام کے دلوں میں جگہ بنانے کے لیے مزید کوششیں کرنی ہوں گی، ورنہ وہ اپنا ایک اہم اتحادی کھو سکتا ہے۔
Article and image source: dailypakistan.pk
