Reykjavíkurborg stendur frammi fyrir nýrri hrinu uppsagna og niðurskurðar, en búist er við að tugum starfsmanna verði sagt upp störfum í dag. Málið var rætt á aukafundi borgarstjórnar í morgun, en fundinum lauk á ellefta tímanum. Samkvæmt heimildum fréttastofu nær niðurskurðurinn til allra sviða borgarinnar, að undanskildum skóla- og frístundasviði og velferðarsviði, sem urðu fyrir niðurskurði fyrr í sumar. Trúnaður ríkir um efni fundarins þar til fundargerð verður birt síðar í dag og borgarstjórnarfulltrúar hafa ekki veitt viðtöl vegna málsins. Kári Sigurðsson, formaður stéttarfélagsins Sameykis, hefur gagnrýnt meirihluta borgarstjórnar harðlega vegna ákvörðunarinnar og gerir hann ráð fyrir að fjöldi uppsagna verði sambærilegur við síðustu skipulagsbreytingar borgarinnar. Í Grindavík stendur yfir afmörkuð leitaraðgerð vegna Lúðvíks Péturssonar, sem féll niður í jarðfall í janúar 2024. Að sögn lögreglunnar á Suðurnesjum er ekki um björgunaraðgerð að ræða, heldur er markmiðið að kanna aðstæður á vettvangi.