Բոսնիա և Հերցեգովինայում Եվրամիության ռազմական զորակազմի (EUFOR) ուղղաթիռի կործանման հետևանքով զոհվել է չորս մարդ, ևս 11-ը ստացել են վնասվածքներ։ Միջադեպը տեղի է ունեցել հոկտեմբերի 29-ին Բրչկո քաղաքի մերձակայքում գտնվող Գորիցեի շրջանում։ Ըստ հրապարակված տվյալների՝ զոհվածներից երկուսը Իտալիայի զինված ուժերի զինծառայողներ էին, իսկ մյուս երկուսը՝ Իտալիայի Կարմիր խաչի ռազմական ստորաբաժանման ներկայացուցիչներ։ Վիրավորված 11 անձանց առողջական վիճակը գնահատվում է կայուն։ Դեպքի վայր են ժամանել Բրչկոյի օկրուգի ոստիկանության աշխատակիցները, հրշեջներն ու շտապօգնության բրիգադները։ Տարածքն օպերատիվ կերպով շրջափակվել է։ Իշխանությունների հաղորդմամբ՝ միջադեպի հետևանքով քաղաքացիական ենթակառուցվածքներին, գույքին կամ տրանսպորտային միջոցներին վնաս չի պատճառվել, քաղաքացիական բնակչության շրջանում տուժածներ չկան։